ALLERGİK BRONXİT, YOXSA, BRONXİAL ASTMA??

  Astma-Uşaqlarda ən sıx rast gəlinən xroniki tənəffüs yolu xəstəliklərindəndir.Nəzərinizə çatdırım ki Allergik bronxit diaqnozu yoxdur əgər uşaqlarda aşağıda sadalayacağım simptomlar varsa bu artıq Bronxial Astmadır!

-Təkrarlayan öskürəklər
-Xışıltı-Vizing(səsli,musiqili tənəffüs)
-Nəfəsvermənin çətinləşməsi ilə gedən təngnəfəslik
-Gecə öskürək tutmaları
-Fiziki hərəkətlə artan öskürək tutmaları,vizing və s.

Erkən yaşlı uşaqlarda-2-3 yaşda Astma diaqnozu qoymaq çətindir.Çünki bu yaşlarda respirator viruslar(bronxiolit) və bronxların quruluş xüsusiyyətlərinə görə asanlıqla vizing(musiqili xışıltı,bronxspazm)əmələ gələ bilər.Bu yaşlarda Astmanı dəstəkləyəcək hər hansı labarator müayinə də yoxdur.Lakin əgər bu yaş uşaqlarda 3 dəfədən çox vizing atakları olması,üstəlik ana və ya atada Astma xəstəliyi varsa,Uşaqda ekzema,Allergik rinit varsa,süd,yumurta və ya fısdıq kimi bəzi qidalara qarşı allergik reaksiya olmuşdursa,bu əlamətlər Astmanı dəstəkləyici əlamətlər hesab edilir.
Astma diaqnozu qoymaq üçün lazım olan müayinələr.

-Ağciyər rentgendə havalanma artışı
-Yüksək İg E
-Pozitiv Spesifik İg E
-Dəri prik testləri
-Tənəffüs testləri-Spirometriyadır

Astma diaqnozu qoymaq üçün əsas köməkedici müayinə -Tənəffüs testləri-Spirometriyadir ki bu müayinən 5 yaşdan yuxarı uşaqlarda tətbiq edə bilirik
Astmanın qarşısını almaq üçün uşaqları həssas olduğu qida və ya respirator allergenlərdən maximum uzaq tutmaq lazımdır.

Mütləq allergen qidalar rasiondan çıxarılmalı,xüsusilə ev tozu,yun tozu,ev heyvanı tükü,tüklü oyuncaqlar Astma riski olan uşaqlara verilməməlidir.
Astması olan uşaqları mümkün olduqca respirator xəstələnmələrdən qorumaq lazımdır.Bundan başqa Astması olan uşağın yanında siqaret çəkilməməli,lak,deterjan,parfüm,ev hava ətirləndiriciləri və basqa kəskin qoxularla təmasdan uzaq tutulmalıdır.
Astmanın müalicəsində məqsəd tutmaların qarşısını almaq və astmalı uşaqlarında digər uşaqlar kimi sağlam həyat tərzi yaşamalarını təmin etməkdir SAĞLAM OLUN!