• 04-dek-2016, 20:18

UŞAQLARDA ƏMGƏK NƏ VAXT BAĞLANIR?

 
Yenidoğulan körpənin başının ön hissəsində, alın və təpə sümüklərinin birləşən hissəsində əmgək adlı boşluq olur.Uşaqlarda ön və arxa əmgək olur.Ön əmgək doğumda açıq olmalıdır,arxa əmgək isə doğumda demək olar ki bağlı olmalıdır.(1 sm dən kiçik qala bilər,amma tam olaraq ilk 2 ayda bağlanmalıdır).Ön əmgəyin doğumda bağlı,arxa əmgəyin isə açıq olması normal hal sayılmır.Arxa əmgəyi açıq və ön əmgəyin geniş olan uşaqlarda bir sıra xəstəliklər inkar edilməlidir.

-Anadangəlmə hipotireoz.
-Osteogenesis imperfekta.
-Axondroplaziya.
-Down sindromu.
-Ailəvi makrocefaliya.
-Raxit.
-Anadangəlmə Rubella,Sifilis.
-Malnütrisyon.
-Bətndaxili inkişaf geriliyi.
-Hidrocefaliya,meningit,ensefalit kimi kəllədaxili təzyiqin yüksəlməsinə səbəb ola biləcək xəstəliklər.
-Vaxtından əvvəl doğulmuş uşaqlar və s.

Əmgəyin normal bağlanma müddəti 3-18 aydır.3 ayından tez və 18 aydan gec bağlanan əmgəklərdə bir həkim baxışı və araşdırması məsləhətdir.Əmgəyin 3 ayından tez bağlanması və ya doğumda bağlı olması aşağıdakı xəstəliklərə işarətdir.

- Kraniosinostozlar.
-Bətndaxili infeksiyalar(Sitomegalovirus,Toxoplazmoz,Rubella).
-Bəzi metabolik xəstəliklər.
-Hipoksik-İşemik ensefalopatiya.
-Anadangəlmə hipertireoz və s.

Körpəni müayinə edərkən həkim tərəfindən əmgəyin ölçüsünə,baş çevrəsinin dinamik böyüməsi nəzarətdə tutulmalıdır.İlk 3 ayda bağlanmamış,18 ayindan sonra da açıq olmayan əmgək normal hesab edilir.Əmgəyin bağlanmaması üçün aparılan müalicələr yersizdir.Və ya 18 ayından tez əmgəyin bağlanması üçün istifadə edilən kalsium preparatları ancaq və ancaq körpəyə zərər verməkdir.Bundan başqa kiçik ölçülü əmgəkdə diqqət edilməsi gərəkən baş çevrəsinin dinamik olaraq normal böyüməsidir.Uşaqlarda baş çevrəsi adətən ilk 0-3 ayda aya 2 sm, 3-6 ayda aya 1 sm, 6-12 ayda isə aya 0.5 sm böyüməlidir.Əmgəyin ölçüsünün balaca olması profilaktik D vitaminin istifadəsinə əks göstəriş sayılmır.Əmgəyin balaca olması profilaktik peyvəndlərin vurulmasına əks göstəriş deyildir.Əmgəyin balaca olması kəllədaxili təzyiqin yüksəlməsinə səbəb olmaz.Əmgıyin balaca olması hər hansı bir müalicə tələb edəcək bir durum deyildir.Əmgəyin üzərində hiss edilən pulsasiya normaldır.

Uşaqlarda adətən əmgək üstündə qərtməqlər toplanar.Qorxmadan onu təmizləmək lazımdır.Daramaqla,qaşımaqla,toxunmaqla əmgək zədələnməz.Məqsədimiz,Əmgəklə əlaqəli boşuna aparılan çoxsaylı müalicələrə məruz qoyulmuş körpələrin sayını azaltmaqdır.Oxuyun, Maariflənin və Körpənizi belə cəfəngiyyat müalicələrə məruz qoymayın.Sağlam olun!

loading...

Həmçinin oxuyun

Şərhlər 1

Aycan (Ziyaretçi)
Doktor salam qızım 5ci ayındadır,həkim iki aya əmgəyinin təmiz bağlanacağını dedi.evə gəlib internetdə araşdırdım,əmgəyin elə tez bağlanması kəllədaxili təzyiq əmələ gətirir və müalicə əmgəy bağlandıqdan sonra təsir etmirmiş bunu oxudum,çox nigaran idim,sizin yazıda isə tam tərsini gördüm.sizcə nigaran olmağıma dəyər? çətin doğuş keçirmişəm,uşaq fizioloji sarılıqla doğulmuşdu.d vitamini hər gün verirəm,beşikdə,çarpayıda yatanda kürəyi,ayaqları tərliyir,paltarını tez tez dəyişirəm,buna da rəxitlik diaqnozu qoyur tanıdıqlarımız,həkim deyillər.məlumat almaq istərdim